Iloilo City Health Office irekomendar ang pagkakas sang state of calamity tungod sa pertussis kun wala na sang madugang nga kaso sa sulod sang duha ka semana

ILOILO CITY — I-rekomendar sang City Health Office nga dulaon na ang state of calamity sa siyudad tungod sa pertussis ukon whooping cough kun wala na sang madugang nga kaso sa sulod sang duha ka semana.

Suno kay City Health Officer, Dr. Annabelle Tang, wala na sang nadugang nga probable case sa sulod sang duha ka semana subong nga Abril.

Sa kabug-usan, may 12 ka kumpirmado nga kaso sang pertussis sa siyudad sa diin isa ang napatay. 22 naman ang probable case nga ginahulat pa ang resulta sang laboratory test halin sa Manila.

Gin-athag ni Dr. Tang nga padayunon nila ang vaccination response bisan pa ma-lift na ang state of calamity tungod sa pertussis.

Sang Marso 26, ginpaidalom ang siyudad sa state of calamity tungod sa pertussis outbreak. — via Aksyon Justice Savannah Pamplona