PICAO Head Nereo Lujan nagdepensa sa mga akusasyon batok kay Iloilo City Mayor Jerry Treñas

Nagpa-athag si Iloilo Provincial Public Information and Community Affairs Office (PICAO) Head Mr. Nereo Lujan nga “transparency” sa mga dokumento ang iya ginapanawagan sa administrasyon ni Iloilo City Mayor Jerry Treñas kag indi ang pagpangyaguta sa pamilya sang alkalde.

Suno sa Facebook post ni Mr. Lujan, wala nagapakita sang kahuyang ang pagka-transparent sang opisyal sa iya pagpangalagad, kag sa pagkamatuod nagatukod pa ini sang pagsalig sa publiko.

Ginpahayag pa niya nga ang isa sa mga pamaagi nga mangin epektibo ang pagpartisipar sang publiko sa gobyerno amo ang pagbukas sang administrasyon sa pagsabat sang tanan nga pamangkot may kaangtanan sa mga desisyon nga ginahimo sang opisyal.

Nagpangayo naman sang pasaylo si Lujan kay Mayor Treñas tungod sa mga ginpang-post sa iya Facebook account sa diin luyag lang niya maathagan may kaangtanan sa demolisyon sang facade sang Iloilo Terminal market.

“Mayor Treñas, I’m sorry if my actions have caused you distress. However, my intention was not to harass you but to seek clarification on the demolition of the (facade) Iloilo Central Market.” pahayag pa ni Lujan.

Padayon nga magapanindugan si Lujan nga magpangayo sang paathag may kaangtanan sa matuod nga natabo sa Iloilo Terminal Market.

“While I am a government employee, I too am a taxpayer, and I believe it is important to hold our public officials accountable and ensure transparency in governance. If my inquiries have caused any discomfort, I express my regrets, but I stand by my right to seek answers,” dugang pa ni Lujan. — via Aksyon Cedrick Anona