157 ka mga nakumpiskar nga modified mufflers ginpalapakan sa pison

ILOILO CITY — Ginpangunahan ni Mayor Jerry Treñas ang ceremonial destruction sang mga magahod nga tambutso nga nakumpiskar sa operation sang Iloilo City Traffic Management Unit (TMU).

Ginhiwat ang aktibidad sa Iloilo Freedom Grandstand subong nga aga. Nagtambong man sa aktibidad sanday TMU co-chairperson, retired Colonel Uldarico Garbanzos, Councilors Sedfrey Cabaluna, Irene Ong kag Candice Tupas.

Madumduman nga nagdeklarar si Mayor Treñas sang “gyera” kontra sa modified mufflers tungod nagaperwisyo sa mga pumuluyo ilabe na sa ila katulugon. — via Aksyon Justice Savannah Pamplona