Mga senior citizens sa Brgy. Lupa, Sta. Barbara nangin benepisaryo sang Operation Tulong sang Aksyon Radyo Iloilo, MBC Media Group kag Unilab
ILOILO — Nagdala sang kalipay kag premyo ang Operation Tulong sang Aksyon Radyo Iloilo, MBC Network News kag Unilab sa mga senior citizens sa Brgy. Lupa, Santa Barbara.
Naglab-ut sa 105 ka senior citizens ang nangin benepisaryo sang programa.
May lecture sa mga katigulangan sang ila mga incentives kag proper diet.
Nagpapamahaw man sa mga benepisaryo kag may ginhatag sa ila nga gift packs kag vitamins.
Samtang, dugang nga kasadya ang dala sang mini roleta sang Aksyon Radyo Iloilo sa diin may nagdaug sang premyo pareho sang cash kag merchandise items sang estasyunan.
Nagbilin man ang team sang isa ka sphygmomanometer with stethoscope agud magamit sang mga senior citizens sa pag-monitor sang ila blood pressure.
