Tumandok sang Leganes, Iloilo Top 7 sa PMA “Bagong Sinag” Class of 2024

BAGUIO CITY – Nadala sa Top 10 sang Philippine Military Academy (PMA) Bagong Sinag Class of 2024 ang 23-anyos nga tumandok sang Leganes, Iloilo.

Siya si Cadet First Class Floyd Niño Arthur Roxas sang Brgy. Cagamutan Norte, Leganes nga nagtupa sa ikapito nga puwesto.

Antes nagsulod sa PMA, nag-eskwela sa Philippine Science High School – Western Visayas Campus si Roxas.

Lakip sa mga graduation awards nga mabaton niya ang Information Technology Plaque, Department of Leadership Plaque kag Association of Generals and Flag Officers (AGFO) Award. Samtang, magasulod sa Philippine Navy si Roxas.

Sa statement, ginpanginbulahan sang local government unit sang Leganes ang kadalag-an sang kadete.

Hiwaton ang graduation sa Mayo 18 nga ginabug-usan sang 224 ka mga lalaki kag 54 ka mga babaye nga kadete. — via PMA