Bangkay sang lalaki nasapwan sa Buray, Oton

ILOILO – Patay na sang nasapwan ang lalaki sa Brgy. Buray, Oton pasado las-11 kaina sang aga.

Gin-identify ang bangkay kay Joemarie Seballos nga taga-Oton man.

Nasapwan ang lawas nga nagabaruro sa madalom nga porsyon sa kilid sang karsada. Ginapatihan nga nasangit ang liug ni Seballos sa alambre nga halayan nga nahigot sa puno sang kawayan kag nahulog siya. Naga-ungot pa ang alambre sa liug sang lalaki sang nakita siya.

Base sa impormasyon, posible nga naka-inom ang lalaki antes nahulog.

May pamilya naman nga nagkadto sa lugar. Suno sa pamilya, ulihi nila nakita nga buhi si Seballos sang Sabado sang gab-i. — via BBB