Masobra tunga sa milyon nga balor sang suspected shabu na-recover sa mag-amay sa City Proper
ILOILO— Naglab-ut sa ginabanta P578,000 nga balor sang suspected shabu ang na-recover sa mag-amay sa Brgy. Muelle Loney, City Proper sang Domingo sang hapon, Mayo 19.
Nadakpan sa operasyon ang amay nga si alyas Manok, 64-anyos kag ang duha niya ka bata nga lalaki nga si alyas Dilo, 42-anyos kag alyas Boy-boy, 44-anyos.
Suno kay Police Captain Roque Gimeno III, hepe sang City Proper Police Station, ang amay ang nagakuha, naga-uyat sang stocks sang illegal drugs kag nagabaligya.
May tiun man nga ang iya mga bata ang nagadul-ong sa mga nagabaligya.
Mabudlay sudlon ang lugar sang subject gani nadugayan antes nga gin-operate, suno sa police
11 ka sachets sang suspected shabu nga nagabug-at sang 85grams ang na-recover sa tatlo.
Sa pagpangusisa sang police, sa amo man nga lugar nagakuha sang supply sang illegal drugs ang amay, suno sa police.
Ginpabutyag ni Gimeno nga nagamaneho sang e-bike ang subject nga amo ang ginagamit niya sa pagdul-ong sang illegal drugs. — via Aksyon Farrah Mae Morano
