Graduate sang UP Visayas sulod sa Top 10 sang May 2024 Chemical Engineering Licensure Exam
Nagtupa sa ika-walo nga puwesto si Joshua Anthony Cruz sang University of the Philippines – Visayas – Iloilo City sa May 2024 Chemical Engineering Licensure Exam.
Si Cruz ang nakakuha sang 84.50 nga passing rate, base sa resulta nga ginpaguwa sang Professional Regulation Commission.
Samtang, nalakip man ang UPV kag Central Philippine University sa mga Top Performing Schools.
Ang UPV yara sa ikatatlo nga puwesto nga may 92% nga passing rate.
Ang Central Philippine University naman nagtupa sa ikawalo nga puwesto nga may 80% nga passing rate.
