EA Raisa Treñas-Chu magasumpa sa National Unity Party
Magasumpa sa National Unity Party si Executive Assistant Raisa Treñas-Chu imbes nga sa Partido Federal ng Pilipinas.
Ini ang ginkumpirmar ni Iloilo City Mayor Jerry Treñas makaligad ginpabutyag nga indi niya pagpiliton kun alang-alang nga makasulod sa PFP ang iya bata.
Sa text message nga ginpadala sang alkalde, ginpahayag niya nga may bakante nga posisyon sa ila grupo kag sa ila lineup tungod nagsumpa na sa Lakas CMD party si incumbent Congresswoman Julienne “Jam-Jam” Baronda.
Suno pa sa alkalde nga regional vice chairman sang NUP, i-schedule pa sang partido ang oath-taking ceremony ni Raisa.
Una na gintuyo ni Mayor Treñas nga makasulod sa PFP ang iya bata apang wala ini madayon tungod sa wala pa mabuyagyag nga rason.
Madumduman nga ginpahayag ni Mayor Treñas nga may “daw manginmatay” agud indi makasulod sa PFP ang iya bata.
Gin-anunsyar sang alkalde nga mapadalagan sa pagka-kongresista sa siyudad sang Iloilo ang iya bata sa 2025 midterm elections.
PFP NAGPANGUSISA KUN DIIN MASUMPA SI TREÑAS-CHU
Ginbuyagyag ni Iloilo City Mayor Jerry Treñas nga ginbisita siya sang representatives sang Partido Federal ng Pilipinas (PFP) agud pamangkuton kun sa diin nga partido magasumpa ang iya bata nga si Executive Assistant Raisa Treñas-Chu, nga mapadalagan sa pagka-kongresista sa Iloilo City sa 2025 midterm elections.
Suno kay Treñas, may kaugalingon nga paminsaron ang iya bata kag magadesisyon kun sa diin siya nga partido magapanumpa santu sa mangin resulta sang konsultasyon sa iya advisers.
Ginpabutyag ni Mayor Treñas nga ginkalipay niya ang pagpangusisa sang PFP nga partido ni President Ferdinand Marcos Jr., may kaangtanan sa pagsumpa sang iya bata.
Yari ang statement sang alkalde:
Representatives of the Partido Federal party visited me this afternoon and inquired about the oath taking of Raisa in the party. I told them that Raisa has a mind of her own and will make her own decision after proper consultations with her leaders and advisers. I will support her decision whichever way. I also told them that I am personally elated that the party of the president has inquired about her membership thereto. Raisa is known to PBBM and the First Lady personally since during the then 2010 senatorial campaign of the president, they had dinner at our house in Iloilo City. — via Aksyon Justice Savannah Pamplona