Homecoming ni Miss Eco International Ph 2025 Alexie Brooks sa Leon gintalana sa Hunyo 12
Ginpahibalo ni Leon Mayor Maria Lina Holipas nga hiwaton sa Hunyo 12 ang homecoming ni Miss Eco International Philippines 2025 Alexie Mae Caimoso Brooks.
Sa Facebook post sang alkalde, nabutang nga masugod ang motorcade las 8:00 sa aga sa Brgy. Agboy Norte padulong sa Brgy. Buga kag balik sa Poblacion sa diin hiwaton ang programa sa Leon Fiesta Auditorium.
Una na ginpahayag ni Mayor Holipas nga handa nga magsuporta sa himuon nga grand homecoming si Iloilo 2nd District Representative Michael Gorriceta.
Si Brooks nga nagtapos sa top 10 sang Miss Universe Philippines 2024 pageant ang mangin tiglawas sang pungsod sa Miss Eco International pageant sa masunod nga tuig sa Egypt.
