Miss Eco International Ph 2025 Alexie Mae Caimoso Brooks ginpasalamatan ang suporta sang mga Ilonggo sa iya beauty pageant journey
ILOILO CITY – Ginpasalamatan ni Miss Eco International Philippines 2025, Alexie Mae Caimoso Brooks ang mga Ilonggo tungod sa suporta sa iya journey sugod nga nagdaug nga Miss Iloilo tubtob sa Miss Universe Philippines 2024.
“I don’t think, thank you is enough for me to express my gratitude towards you. Ang pagpalangga niyo kanakon sobra-sobra and I really hope nga I made you all proud. And I know that regardless of where life takes me on this journey I will always be proud to call myself – Ilongga,” suno kay Alexie sa iya homecoming program sa SM City Iloilo kagab-i, Hunyo 11.
“I’m excited to go home kasi siyempre balay na ini like diri na ni ang place where I feel safe, where I feel welcome, where I feel appreciated and all that,” dugang pa niya.
Ginpasalig ni Alexie nga padayunon niya ang iya legasiya nga ipabugal kag hatagan sang kadungganan ang Iloilo.
Si Alexie nga tumandok sang Leon, Iloilo, nagtiglawas sang Iloilo City sa Miss Universe Philippines 2024 sa diin nakuha niya ang Miss Eco International Philippines crown kag siya ang matiglawas sang Pilipinas sa nasambit nga international pageant.
