Iloilo provincial government kabahin sang 126th Philippine Independence Day celebration sa Manila

Nangin kabahin ang Iloilo provincial government sa mga aktibidad sang ika-126 nga Philippine Independence Day sa Manila.

Kaina sang aga, nag-upod kanday Iloilo Governor Arthur Defensor, Jr. kag Vice Governor Christine Garin, mga provincial board members, mga mayors sa pagpanguna ni Santa Barbara Mayor Dennis Superficials, mga chiefs sang nagkalain-lain nga opisina sa Kapitolyo kag pila ka empleyado sa flag raising ceremony sa Rizal Park.

Pasado las-singko naman kaina sang hapon ang Parada ng Kalayaansa Quirino Grandstand nga naga-feature sang mga floats sang nagkalain-lain nga local government units nga may papel agud nga malab-ut sang Pilipinas ang kahilwayan halin sa mga Katsila kag matukod ang First Philippine Republic.

Isa ang Iloilo sa gin-imbitar nga magpasakop sa float parade sa diin ginpakita ang Cry of Santa Barbara.

Sa Santa Barbara una nga ginwagayway ang hayahay sang Pilipinas sa guwa sang Luzon sang November 17, 1898.

Tema sang subong nga tuig nga selebrasyon sang Independence Day ang ‘Kalayaan. Kinabukasan. Kasaysayan.’ —Balita Halin sa Kapitolyo