4 dakop sa drug buy bust operation sa Pavia; Mga nadakpan naabtan pa sang pulis nga naga-“pot session”
ILOILO — Apat ka indibidwal ang nadakpan sa drug buy bust operation sa drug den sa Purok 4, Pavia las-6:43 kagab-i, Hunyo 13.
Ginkilala ang mga nadakpan kanday Patrick Himalla Andres, 40-anyos; Vhemboy Jontarciego Huele, 26-anyos; Joel Tanula Tanaman, 34-anyos kag Jessie Tanula Tanaman, 36-anyos nga lunsay residente sang amo man nga lugar.
Suno kay Police Major Dadjie Delima, hepe sang Pavia Municipal Police Station, naabtan pa sang police nga naga-“pot session” ang apat sa drug den.
Ginpahayag ni Delima nga ang amo nga drug den ang ginagamit man sadtu sang mga magulang sang duha sa apat ka mga nadakpan. Napreso na ang anay mga nagagamit sini sang 2023.
Indi pa mabuyagyag sang police ang ginkuhaan sang supply sang illegal drugs sang mga nagkaladakpan.
Na-recover ang 38 grams sang suspected shabu nga may standard drug price nga P258,400 kag mga drug paraphernalia. — via Aksyon Farrah Mae Morano
