Iloilo City Lone District Rep. Julienne “Jam-Jam Baronda ginpanginwala nga mapadalagan sa pagka-Vice Mayor ang iya manghod sa 2025 elections
“Tsismis” kag “indi matuod” nga mapadalagan ang manghod ni Iloilo City Congresswoman Julienne “Jam-jam” Baronda nga si anay konsehal Lady Julie Grace “Love-love” Baronda kontra kay Vice Mayor Jeffrey Ganzon.
Suno sa kongresista, indi sila daluk-dalok sa pwesto tungod ka damo pa sang pwede kag makasarang magserbisyo.
Ginpanginwala man ni Congresswoman Baronda nga may lineup na siya sa 2025 midterm elections.
Dugang niya, “ang mga Baronda lipay na nga (ang) Congresswoman nagaserbisyo. Dako na ina nga bagay nga ginapasalamatan namon.”
Ang pahayag sang kongresista baliskad sa ginpabutyag ni Mayor Jerry Treñas sa iya regular press conference nga base sa impormasyon nga nakalab-ut sa iya, mapadalagan si Love-love Baronda kontra kay incumbent Vice Mayor Ganzon kag may konsehales na sa line up niya. — via Justice Savvanah Pamplona
