P680K nga balor sang suspected shabu na-recover sa drug buy bust operation sa Estancia

ILOILO— Na-recover ang P680,000 nga balor sang suspected shabu nga nagabug-at sang ginabanta 100 grams sa drug buy bust operation sa Brgy. Gogo, Estancia las-9:22 kahapon sang aga, Hunyo 27.

Na-aresto kanday alyas Roy, 38-anyos nga residente sang Brgy. Gogo, Estancia, kag alyas Em-Em, 34-anyos sang Brgy. Guzman Jesena, Mandurriao.

Ginhimo ang operasyon sang Iloilo Police Provincial Office Provincial Drug Enforcement Unit and Special Operations Group (IPPO-PDEU-SOG) kag Estancia Station Drug Enforcement Team (SDET).

Suno kay IPPO OIC Police Colonel Bayani Razalan,“This operation, along with other recent successful efforts, highlights the unwavering dedication of your Ilonggo cops and other law enforcement units to eliminate illicit substances and criminal activities from our community.” — via Aksyon Farrah Mae Morano