Iloilo Dinagyang Festival nakuha ang back-to-back championship sa Aliwan Fiesta 2024; Tultugan Festival sang Maasin napauli ang 2nd place
Nakuha sang Iloilo Dinagyang Festival nga ginrepresentar sang Tribu Pan-ay ang back-to-back championship sa street dance competition sang Aliwan Fiesta 2024 nga ginhiwat kagab-i, Hunyo 29.
Napauli naman sang Tultugan Festival sang Maasin ang 2nd place. Nakuha man sang Iloilo DInagyang Festival ang mga special award nga Best in Costume kag kampeonato sa Tugtog ng Aliwan. Best Musical Accompaniment naman ang nadag-an sang Tultugan Festival.
P1.5 million pesos ang premyo nga napauli sang Iloilo Dinagyang Festival, samtang P750,000 naman ang iya sang Tultugan Festival.
Halin sang gintukod ang Aliwan Fiesta sang 2003, ang Dinagyang Festival ang may pinakamadamo nga awards sa cultural dance category lakip na ang apat ka sunod-sunod nga kampeonato halin 2010 tubtob 2013.
Ang Aliwan Fiesta nga ginakabig pinakadaku nga kompetisyon sang nagkalain-lain nga mga festival sa pungsod ang gin-organize sang Manila Broadcasting Company (MBC) Media Group, ang nagapanag-iya sang Aksyon Radyo Iloilo.
