Manuglibod sang isda patay sang naigo sang kilat sa Alimodian

ILOILO — Patay ang 45-anyos nga manuglibod sang isda sang naigo sang kilat sa Brgy. Tabug, Alimodian las-5 sang hapon sang Hulyo 11.

Ginkilala ni Captain Marion Asparo, hepe sang Alimodian Municipal Police Station ang biktima kay Ronie Siapno nga residente sang Bugang, Alimodian.

Sa imbestigasyon, nagalibod sang isda ang lalaki sang gulpi lang nagbundak ang ulan gani nagpasilong sa kawayanan.

Gulpi lang nagpangilat kag naigo ang biktima gani nasunog ang iya nga lawas, suno sa police.

Gindala pa sa Aleosan District Hospital ang biktima pero gindeklarar nga dead-on-arrival. — via Aksyon Farrah Mae Morano