Masobra 7,000 ka trabaho nagahulat sa mga jobseekers sa PESO-Iloilo Mega Job Fair sa Hulyo 19
Madamo sang trabaho nga nagahulat sa mga jobseekers sa Public Employment Service Office (PESO)-Iloilo Mega Job Fair nga hiwaton sa Hulyo 19.
Suno sa PESO-Iloilo, 101 ka kompaniya ang mapasakop sa job fair nga ginalakipan sang local, BPO, kag overseas companies.
May yara sang 7,887 ka mga job vacancies nga itanyag, suno sa PESO.
Sa mga intresado, magpadulong lang sa Robinsons Place Jaro halin las-8 sa aga tubtob las-4 sa hapon kag magdala sang resume. — via Aksyon Cedrick Anona
