Lapuz ABC mahingyo sa LTO 6 nga ma-deputize sila manakop sang mga naga-illegal parking

ILOILO CITY — Luyag magpa-deputize sa Land Transportation Office (LTO) 6 ang mga barangay kapitan sa Association of Barangay Captains (ABC) Lapuz.

Ini agud mahimo sila makadakup kag maka-issue sang Temporary Operator’s Permit (TOP) kag makakakumpiskar man sang driver’s license sang mga traffic violators.

Sa sini nga paagi, makapanakop ang mga kapitan sang truck drivers kag mga naga-illegal parking sa ila tagsa ka barangay.

Ginpabutyag ni Loboc, Lapuz Punong Barangay Pancho Vijuan nga bisan pa nagapangsita sila nga barangay officials kag tanod, mabudlay sa ila sa subong tungod wala sila ginapati sang truck drivers.

Nagsabat man ang representative sang LTO 6 nga i-relay niya kay Atty. Gaudioso Geduspan ang nasambit nga request.

Nauna na ginpabutyag sang Traffic and Transportation Management Office nga kulang sila sa personnel agud magbantay sa mga karsada sa Lapuz nga masami may mga naga-illegal parking ilabi na kun kagab-ihon.

Limitado man suno sa LTO 6 ang ila operasyon tungod may yara lang sila siyam ka enforcers. — via Aksyon Justice Savannah Pamplona