Lalaki pilason sang ginbuno sang iya bayaw sa ilimnan sa Jaro

ILOILO CITY — Apat ka pilas sa likod ang naagum sang 34-anyos nga lalaki sang ginbuno sang iya bayaw sa Brgy. Benedicto, Jaro mga las-10:15 sang gab-i sang Hulyo 19.

Suno kay Police Captain Jeffrey Delgado, officer-in-charge sang Iloilo City Police Station 9, upod sang 30-anyos nga biktima nga nag-inum inom sa iya balay ang suspek.

Sa imbestigasyon sang police, nagbaisay ang duha tungod naling-an ang suspek sa gahod sang mga kabataan nga nagahampang sa computer shop nga tupad sang balay.

Tungod sini, naghambal ang suspek sa biktima nga indi na magpasulod sang kabataan tungod gab-i na kag magahod, suno sa police.

Nagkuha sang pocket knife ang suspek suno sa police kag ginbuno sa likod ang biktima.

Gindala sa ospital ang biktima kag estable na ang kondisyon.

Detained sa custodial facility sang ICPS 2 sa La Paz ang suspek. — via Aksyon Paula Elambayo