Truck nagtakilid sa kilid sang dalan sa Jaro; Driver, mga sakay estable na ang kondisyon

ILOILO CITY — Estable na ang kondisyon sang driver kag duha ka mga sakay sang truck sang nagtakilid sa Barangay Buhang, Jaro las-4:30 kahapon sang hapon, Hulyo 28.

Suno kay Patrolman Kem John Pendon, imbestigador sang Jaro Police Station, iindi na maliso sang driver nga si alyas Ed ang manibela rason nga ginpadiretso na lang niya ang truck sa bakante nga lote tungod malapit na ini sa kilid sang karsada kag kurbadahon ang amo porsyon.

Wala sang iban nga nadalahig sa aksidente.

Halin sa construction site sa La Paz ang truck kag papuli na kuntani sa Leon. Wala naman sang karga ang truck.

Nakaagum sang minor injuries kag pagpalanakit sang lawas ang driver, pahinante sang truck kag ila nga boss.

Sa subong, yara pa sa area ang truck kag ipa-tow na lang ini sang tag-iya. — via Aksyon Maria Kayla Tingzon