Grade 10 student nabun-an sang kasubong nga estudyante sa Molo

ILOILO CITY — Pilason ang grade 10 student nga lalaki sang nabun-an sa atubang sang Iloilo City National High School sa Molo las-7:30 kagab-i, Agosto 20.

Sa impormasyon sang Molo police, sa sulod pa lang sang eskwelahan, gingan-it na sang suspek ang biktima.

Tungod sini, ginbantayan sang biktima ang suspek sa puno sang lunok sa guwa sang eskwelahan agud magbalos.

Ginsumbag sang biktima ang suspek pero wala naigo, suno sa police.

Nagbalos ang suspek kag ginbuno ang biktima sang lapis sa tiyan.

Gindala ang biktima sa ospital kag yara na sa estable nga kondisyon.

Ginakilala pa sang police ang suspek nga ginpahayag 15-anyos man nga grade 10 student. —via Farrah Mae Morano