Public Forum on Sustainable Development, Social Equity, and Polict Towards a Blue Economy ginhiwat sa UPV

ILOILO CITY — Gintambungan sang nagkalain-lain nga sektor ang Public Forum on Sustainable Development, Social Equity, and Policy Towards a Blue Economy nga gin-organisar sang University of the Philippines Visayas, kaupod ang Institute of Contemporary Economics.

Naghatag sang mensahe si Sen. Loren Legarda nga kilala nga champion sa environment kag sustainability.

Samtang discussants kanday UPV Chancellor, Dr. Clement Camposano; UP Los Baños Chancellor Jose Camacho, Jr.; kag Dr. Wilfredo Campos sang UPV kag Too Big To Ignore (TBTI Philippines), nga National Consortium for the Small-Scale Fisheries Research and Development.

Kabahin sa mga nagtambong ang representatives sang local government units, national government agencies, academe, negosyo, kag media.

Nagtutok ang lecture kag forum sa sustainability kag public policy kag sa papel sang science-based legislation para mapangitaan sang solusyon ang problema sa kapigaduhon, gutom, environmental degradation, kag iban pa.

Na-istoryahan man ang kakinahanglanon sa pagproteher kag pag-manage sang sustainable development sa masangkad nga marine resources, sa tunga sang climate change kag intrusion sang iban nga pungsod. —via Aine Grace Bravo