Staff sang ice cream & milk tea store sa City Proper ginkawatan sang customer nga nag-order; Suspek na-capture sa CCTV

ILOILO— Nagreklamo ang staff sang ice cream & milk tea store nga ginkawatan siya sang lalaki nga una nag-order sang milktea las-6:30 subong nga gab-i sa Aurora Subdivision, Villa Anita, City Proper.

Suno kay Joylyn nga nagabantay sa store, una nga nagpili ang lalaki kag nag-order sang milktea gani gintimpla niya sa likod.

Pagbalik niya agud kun tani ihambal kun pila ang balayran nadula na ang lalaki nga customer. Ginpangita pa ni Joylyn ang customer sa pulungkuan sa kilid sang store, pero wala niya nakita.

Ginkakibot naman niya nga nadula na ang iya nga cellphone nga nabutang malapit sa counter gani ginpahibalo niya ang iya nga boss paagi sa pag-chat sa tablet sang store.

Sang gin-review sang iya nga boss ang CCTV, na-capture ang pagkuha sang lalaki sang cellphone ni Joylyn.

Ginpa-blotter sang management ang natabu sa Police Station 7 kag nagahimo na sang follow up operation ang police.

Luyag sang tag-iya nga mangin aware ang mga negosyante sang natabo agud maghalong. — via Aksyon Farrah Mae Morano