Masobra P1 million nga balor sang suspected shabu na-recover sa Janiuay

ILOILO — Tatlo ang dakop kag nakuhaan sang masobra P1 million nga balor sang suspected shabu sa buy bust sa Brgy. Damires, Janiuay kagab-i, Agosto 22.

Gin-identify ang subject kay alyas Batok, 43 anyos nga taga-Brgy. Don Lutero East, Janiuay kag ginakabig nga high value individual.

Dakop man kanday alyas Artem, 38 anyos, kag alyas Grasya, 40 anyos, lunsay taga- Brgy. Jibolo, Janiuay nga ginakabig sang kapulisan nga newly-identified drug personalities.

Nakuha sa mga nadakpan ang 150 grams sang suspected shabu nga may standard drug price nga P1,020,000.00.

Suno kay IPPO Director, PCOL Bayani Razalan, nadakpan ang subject kasunod sang impormasyon halin man sa mga residente.

“A big thank you to our courageous operating team members and engaged Ilonggo community. I sincerely appreciate your bravery and commitment to a drug-free community. Your courage in standing up against illegal activities is truly commendable,” ang pahayag ni PCol. Razalan. —via IPPO