Mangunguma patay sang nakuryente sa Cabatuan
ILOILO— Patay ang mangunguma sang nakuryente sa Brgy. Tigbauan Road, Cabatuan kahapon sang aga, Agosto 26.
Suno kay Police Captain Dionisio Estacio, hepe sang Cabatuan Municipal Police Station, padulong kun tani sa uma si alyas Leo agud magpang-spray sa humay.
Natandog sang biktima ang live wire sa poste sang ILECO 1 nga naka-angut sa isa ka balay gani nakuryente, suno sa police.
Nakita na lang sang naglabay nga residente suno sa police nga nagahigda na ang biktima kag may nakaburambod nga wire sa iya liug.
Gindala pa sa Ramon Tabiana Memorial District Hospital ang biktima, pero gindeklarar nga napatay. — via Aksyon Farrah Mae Morano
