Mag-utod dakop sa drug buy bust operation sa City Proper

ILOILO— Arestado ang mag-utod nga lalaki sa drug buy bust operation sa Monica- Blumentritt, City Proper kagab-i, Agosto 27.

Ginkilala ang mga nadakpan kanday Eduardo Genon, 47-anyos kag Edwin, 46-anyos sang amo man nga barangay.

Walo ka sachets sang suspected shabu nga nagabug-at sang 8grams kay may standard drug price nga P54,000 ang na-recover sang Station Drug Enforcement Team sang Police Station 1.

Suno kay Captain Roque Gimeno III, OIC sang Police Station 1, sa palibut lang nagakuha sang supply sang illegal drugs ang subject.

Nakaagi na preso sa kaso nga robbery si Eduardo samtang pareho sila nga tokhang surrenderer.

Ginapanginwala sang duha nga ila ang na-recover. — via Aksyon Farrah Mae Morano