Former Iloilo City Mayor Jed Patrick Mabilog imbitaron sa masunod nga hearing sang House Quad Committee base sa suhesyun ni Laguna Rep. Dan Fernandez

Imbitaron sa masunod nga hearing sang Quad Committee sa Kamara si former Iloilo City Mayor Jed Patrick Mabilog.

Ini ang gin-manifest ni Laguna Rep. Danilo Fernandez, Chair sang House Committee on Public Order and Safety, sa 5th Joint hearing sang Quad Committee nga naglawig sang 12-oras.

Nagsugod pasado las 9 sa aga kahapon, ang nasambit nga hearing kag natapos las 10 kagab-i. Wala naman mapat-ud kun san-o ang schedule sang pagtambong sang anay alkalde tungod nagtakop na ang hearing.

Lakip sa mga ginatalakay sa hearing ang drug war sang Duterte administration.

Nahibaluan nga isa si Mabilog sa mga gindalahig ni former President Rodrigo Duterte sa illegal drugs sang gin-akusaran niya nga drug protector. Nagpalagyo si Mabilog sa pungsod tungod sa pamahog sa iya kabuhi kag nagbalik sang Setyembre 10 makaligad ang pito ka tuig nga pagtenir sa abroad. — via Aksyon Justice Savannah Pamplona