300 ka estudyante sa Lapayon Elem. School sa Leganes nangin benepisaryo sa Operation Tulong sang Aksyon Radyo Iloilo
ILOILO — Ginkalipay sang 300 ka mga estudyante sa Lapayon Elementary School sa Leganes nga nangin benepisaryo sila sang “Operation Tulong: Meryenda at Sipilyo” sang Aksyon Radyo Iloilo, MBC Media Group, kag Unilab kaina sang aga.
Nakabaton ang kada estudyante sang dental kit nga naga-unod sang tooth brush, tooth paste, habon, kag face towel.
May ginpreparar man nga pamahaw para sa ila pareho sang tinapay, juice, kag tubig, kag may bulong, kag vitamins halin sa Unilab.
May dental talk naman sa diin gintudluan ang mga estudyante sang husto nga pagtatap sa ngipon. Samtang ginbantayan ang roleta games sa diin lakip sa nadaugan ang cash, kag merchandise items sang Aksyon Radyo Iloilo.
Samtang naghatag ang estasyunan sang electric fans, trash bins, dust pan, kag silhig sa eskuwelahan.
Ini nga aktibidad kabahin sang pagpasalamat sang Aksyon Radyo Iloilo sa padayon nga pagsakdag kag pagsuporta sa estasyonan.
