Junk shop sa Leganes nasunog

ILOILO— Nagbilin sang P420,000 nga balor sang kahalitan ang sunog sa junkshop sa Brgy. Cagamutan Norte, Leganes las-12:37 kahapon sang kaagahon, Setyembre 30.

Suno kay Fire Inspector Ariel Seloterio, acting municipal fire marshal sang Leganes Fire Station, ginahibalo pa nila kun ano ang ginhalinan sang sunog pero ginalantaw nila nga electrical in nature.

Wala sang may nagatiner sa junkshop kag ginasirado sang tag-iya kun hapon, pero may ginabutang lang sila nga suga sa shop, suno kay Seloterio.

Lakip sa mga nasunog ang mga goma sang salakyan kag iban pa nga mga scrap sa sulod sang shop. Wala naman naulamid ang mga pamalay malapit sa junkshop.

Ginbatak sa second alarm ang sunog las-12:49 sa kaagahon kag nagresponder ang fire truck sang Zarraga, Tagbak kag Sta Barbara.

Gindeklarar nga fireout sa las-4:54 na sa kaagahon. — via Aksyon Farrah Mae Morano