Iloilo City Mayor Jerry Treñas indi na magpa-reelect sa 2025 midterm elections
Mapaiway kag indi na magpadalagan si Iloilo City Mayor Jerry Treñas sa palaabuton nga 2025 midterm elections.
Base sa reliable source sang Aksyon Radyo Iloilo, ini ang ginkumpirmar mismo sang bata sang alkalde nga si Executive Assistant Raisa Treñas-Chu sa isa ka closed door meeting subong nga aga sa opisina sang alkalde.
Madayon, suno sa source, ang pagtingub nanday Lone District Congresswoman Julienne “Jam-Jam” Baronda nga mapa-reelect sa pagka-kongresista, EA Treñas-Chu nga amo ang mapadalagan sa pagka-alkalde, kag Vice Mayor Jeffrey Ganzon nga mapa-reelect sa pagka -bise alkalde.
Samtang nauna na nagpaguwa sang statement ang spokesperson ni Congw. Baronda nga si Pastor Stanley Flores nga padayon pa nga ginadesisyunan ang linyada.
