5 ka taga-West nagpauli sang 20 ka medalya halin sa International Dancesport Championship sa Vietnam

Nagpauli sang 20 ka medalya ang lima ka estudyante sang West Visayas State University nga nagpasakop sa Thang Long International Open Dancesport Championship 2024 sa Hanoi, Vietnam sang Oktubre 5 tubtob 6.

Gindominar nanday Alvin Jade Gelera kag Loremar Selibio sang College of PESCAR ang kompetisyon sang nakuha ang gold medals sa Waltz, Tango, kag Foxtrot ballroom, samtang silver medal sa Quickstep sa Adults Couple Category.

Tatlo naman ka gold medals ang ginpauli ni Zoe Alexandria Lanceta sang Integrated Laboratory School (ILS) sa Waltz, Tango, kag Quickstep sa Junior II Standard category. Nadag-an man ni Lanceta ang gold medal sa Rumba kag Jive, samtang silver medal naman sa Cha-cha-cha sa Junior II Latin Category.

Ginpauli man ni Queen Erica Espina sang ILS ang gold medal sa Quickstep, kag silver medals sa Waltz, Tango, Viennese Waltz, kag Foxtrot sa Junior I Standard Category.

Samtang lima naman ka medalya ang ginpauli ni Ceindrech Anne Esmediana sang College of Arts and Sciences sa Youth Standard Category, silver medals sa Waltz, Tango, Viennese Waltz, kag Quickstep, kag bronze medal sa Foxtrot.

Ang kompetisyon sa Vietnam gin gin-organize sang World Dancesport Federation.