Iloilo City TTMO ma-request sang body-worn cameras para sa traffic aides

Maga-request ang Traffic Transportation Management Office (TTMO) sang body-worn cameras para sa 378 ka mga traffic aides.

Suno kay TTMO head, retired Colonel Uldarico Garbanzos, major plan ini sang opisina kag ginalauman nga mabakal kag mapanagtag sa masunod nga tuig.

Ang nasambit nga body-worn camera suno sa iya ang kabahin sang “Tamang Bihis” sang traffic aide nga ginalakipan sang issued uniform, itom nga pantalon kag sapatos, visibility vest kag issued ID.

Ginpahayag ni Garbanzos nga wala pa sang budgetary request ang pagbakal sang mga body-worn camera.

Gamiton suno sa iya ang body-worn camera sa operations sang TTMO ilabe na sa clamping, on road parking kag pagpatuman sang towing ordinance.

Pwede magamit ang recording sa body-worn camera kun may ipalab-ut nga reklamo batok sa traffic aides. — via Aksyon Justice Savannah Pamplona