La Paz Batchoy sang Iloilo nagpanguna sa listahan sang “Top 39 Offal Soups in the World” sang Taste Atlas

Nagpanguna sa listahan sang “Top 39 Offal Soups in the World” sang Taste Atlas ang La Paz Batchoy sang Iloilo City.

Sa October 15 nga rating sang Taste Atlas, ginpierde sang La Paz Batchoy ang mga offal soup sang South Korea, Turkey, Indonesia, Greece, kag Mexico.

Nalakip man sa listahan ang Papaitan sang Ilocos nga nagtupa sa ika-16 nga pwesto kag ang Soup Number 5 nga yara naman sa ika-34 nga pwesto. Ang offal soup amo ang sabaw nga may kasudlan sang baboy ukon baka.

Ang TasteAtlas ang ginakabig nga encyclopedia kag world atlas sang mga pagkaon sa kalibutan.

Sa website sini, ginpahayag nga ang TasteAtlas rankings indi dapat paglantawon nga final flobal conclusion sang pagkaon.

Katuyuan sini nga ma-promote ang pinakamanamit nga local foods, pagpabugal sang mga traditional dishes kag mapukaw ang kuryosidad sa mga pagkaon nga wala pa natilawan.