Bomb threat sa ISAT-U nabaton sang kapulisan; Impormasyon gina-verify

ILOILO CITY — Nakabaton ang kapulisan sang bomb threat sa ISAT University sa La Paz ini ang ginkumpirmar ni ICPO Director, Police Col. Kim Legada.

Suno naman sa La Paz police, nagtawag ang isa ka empleyado sang eskwelahan sa ila kag nag-report nga may bomb threat tungod nakita ang post sa official Facebook page sang unibersidad.

Temporaryo ginpaguwa ang mga estudyante.

Padayon pa gina-verify sang kapulisan ang impormasyon.

Gin-anunsyar sang ISAT University nga kanselado ang tanan nga aktibidad kag ginsaylo sa online ang tanan nga klase sa ila Iloilo City campus subong nga adlaw.

Ginpasugtan man ang tanan nga faculty kag non-teaching personnel nga mag-work from home.

Gintumod nga rason sang unibersidad ang seguridad pero wala na naghatag sang dugang nga detalye.

Apang base sa impormasyon, may nabaton nga bomb threat kag gina-check na sang mga otoridad.