Driver sang sports car nga nagbunggo sa mag-asawa sa Pavia gindagdagan sang warrant of arrest sa kaso nga murder, frustrated murder
ILOILO — Gindagdagan na sang warrant of arrest sa kaso nga murder kag frustrated murder si Rudolph “Bobot” Chavez Dela Rosa nga suspect sa pagpatay kay Rave Garcia gamit ang iya sports car sang Hunyo 1 sa Jibao-an, Pavia.
Ini suno sa abogado ni Shefryl Joice Garcia nga asawa ni Rave Garcia nga ginbungguan man sang sports car kag positibo nga nag-identify kay Dela Rosa nga amo ang may kahimuan sang krimen.
Suno kay Atty. Teodosio, indi pa subong makita sang otoridad si Dela Rosa tungod posible nga nagapanago.
Ginpasaka sa korte halin sa piskalya ang kaso nga murder kag frustrated murder kontra kay Dela Rosa sang Nobyembre 5.
Read related article: https://tinyurl.com/3smdsheh — via Aksyon Marvin Malificiar
