Direct flights halin Iloilo pa-Singapore kag vice versa sang Cebu Pacific nagsugod na
ILOILO– Mahimo na makabiyahe ang mga pasahero halin Iloilo pa-Singapore kag vice versa.
Ini sang ginlunsar ang Iloilo-Singapore-Iloilo nga byahe sang Cebu Pacific las-11:58 kagab-i, Nobyembre 25.
Suno sa Civil Aviation Authority of the Philippines (CAAP) Area 6, 128 ka pasahero ang nagsakay sa eroplano sa inaugural flight padulong sa Singapore kagab-i.
Nag-abot naman sa Iloilo ang return flight halin sa Singapore las-7:33 kaina sang aga nga may 139 ka pasahero.
Maga-operate ang Iloilo-Singapore flights tatlo ka beses sa isa ka semana sa Lunes, Miyerkules, kag Byernes.
“This new route provides exciting opportunities for both locals and travelers, fostering greater connectivity while contributing to the tourism and economic growth of Western Visayas,” ang pahayag sang CAAP.
