34 ka mga “boga” nakumpiskar sang ICPO pila ka adlaw antes ang New Year
Mas ginpasangkad pa sang Iloilo City Police Office (ICPO) ang kampanya batok sa ginadumilian nga boga pila ka adlaw antes ang New Year.
34 ka mga boga na ang natipon sang ICPO sa nagapadayon nila nga pagpang-confiscate sang ginadumilian nga palupok.
Sa nasambit nga numero, 13 ang halin sa police station 8; Anum sa Police Station 5; Tag-lima sa Police Stations 2 kag 7; Tatlo sa Police Station 3; kag Tag-isa sa Police Stations 1 kag 6.
Ginpaathag sang ICPO nga mahimo mapenahan ang mga nagagamit sang boga sa idalum sang Republic Act No. 7183 ukon ang laye nga naga-regulate sa pagbaligya, pag-manufacture, pag-distribute, kag paggamit sang mga firecrackers, kag iban pa nga mga pyrotechnic devices.
Nag-deploy na sang police patrol sa kabarangayan sa siyudad ang ICPO kag nag-establish sang mga checkpoints agud ma-monitor kag madakop ang mga violators. — source: Iloilo City Police Office
