Security plans para sa Ati-Atihan sa Kalibo, Aklan kag Dinagyang Festival sa Iloilo City plastado na — PRO 6

ILOILO CITY — Duha ka dalagku nga events sa Western Visayas — Ati-Atihan Festival sang Kalibo, Aklan kag Dinagyang Festival sang Iloilo ang ginapreparahan sang Police Regional Office 6 agud masiguro nga safe ang publiko.

Suno kay PRO 6 Director BGen Jack Wanky, plastado na ang security plans sa Enero 19 nga Ati-Atihan Festival kag Enero 24 tubtob 26 nga highlights sang Dinagyang Festival.

1,700 ka mga police personnel ang i-deploy sa Ati-Atihan, suno kay Wanky.

Gilayon nga isaylo ang mga police sa Iloilo City para sa Dinagyang Festival sa diin madamo nga VIPs ukon very important persons ang ginapaabot nga matambong.

Sa initial nga meeting sang PRO 6 sa Iloilo City Government, 2,000 ka mga security personnel ang i-deploy.