Request nga signal jamming sang ICPO para Dinagyang Festival 2025 ginbalibaran ni Mayor Jerry Treñas
Ginbalibaran ni Iloilo City Mayor Jerry Treñas ang request sang Iloilo City Police Office nga magpatuman sang signal jamming sa Dinagyang Festival 2025.
Sa sulat sang alkalde kay ICPO director, Colonel Kim Legada, ginpaathag sang alkalde nga nasalig ang mga residente kag ang siyudad sa mobile signal transmission ilabe na sa tiun sang Dinagyang.
Gntumod niya nga importante ang mobile communication indi lang sa personal interaction kundi mangin sa matawhay nga business transactions, madasig nga emergency services, kag emergency sa public safety measures sa tiun sang festival.
Tungod sini, nagapati si Mayor Treñas nga daku ang pagkinahanglan sang signal sa mga transaksyon kag palangitan-an sang mga Ilonggos.
Nagapati mana ng alkalde nga kapable ang kapulisan nga magp[atuman sang nagakaigo nga security measures bisan pa wala sang signal jamming.
