ICPO preparado na sa pagahiwaton nga National for Peace rally sang Iglesia ni Cristo

ILOILO— Plastado na ang deployment sang Iloilo City Police Office para buwas, Enero 13 sa hiwaton nga “National Rally for Peace” sang Iglesia ni Cristo (INC).

Suno kay ICPO Director Police Colonel Kim Legada, gin-istoryahan nila sa meeting upod ang nagkalain-lain nga committee sang INC, Provincial Disaster Risk Reduction and Management Office (PDRRMO), Iloilo Police Provincial Office (IPPO) kag iban pa nga ahensya ang preparasyon nila para buwas.

“Based on the magnitude of the upcoming event, we are recommending to our City Mayor the suspension of classes at all levels,” suno kay Legada.

Kahapon, gin-anunsyar ni Mayor Jerry Treñas ang suspension sang klase sa tanan nga level sa syudad.

Ginpabutyag ni Legada nga ginapaabot sang INC ang 30,000 ka mga maupod sa rally kag entertainment nga ma-umpisa las-8 sa aga tubtob las-6 sa gab-i.

Apektado ang Guanco street padulong sa Muelle Loney sa City Proper.

Nakahanda man ang BFP, mga responders kag iban pa nga force multipliers agud magresponder sa ano man nga insidente.