2 patay sang nabungguan sang taxi ang bus sa Bolong Este, Santa Barbara

ILOILO — Duha ang patay sang nabungguan sang taxi ang bus sa Brgy. Bolong Este, Santa Barbara las 5:33 kaina sang aga.

Suno kay Police Captain Raphy Señeres, hepe sang Sta. Barbara Municipal Police Station, gindeklarar nga dead-on-arrival ang driver sang taxi nga si Jomar Senerado tungod nga na-ipit sa salakyan.  

Patay man si Jeric Huyo, 29-anyos nga security guard nga nagakabit sa jeep.  Suno sa iloy nga si Lucile, nagtabog ang iya bata sang nabungguan sang bus ang jeep.        

Nagapabilin naman sa ospital ang duha ka mga pasahero sang jeep nga nagreklamo sang pagpalanakit sang lawas. 

Halin ang CBL sa ila garahe sa Cabugao Sur, Pavia kag ma-U turn pabalik sa siyudad samtang pakadto naman sa direksyon sang airport ang taxi sang natabo ang aksidente. Yara naman sa pihak nga lane ang Janiuay nga jeep nga nagapakadto sa siyudad ang direksyon. — Aksyon Maria Kayla Tingzon