Pondo para sa nagkalain-lain nga festivals sa Iloilo City ginpataasan sang Iloilo city government sa P50 million
Ginpataasan sang Iloilo City Government sa P50 million ang pondo para sa nagkalain-lain nga festival sa siyudad subong nga tuig.
Sang nagligad nga tuig, yara sa P40 million ang budget sang siyudad nga ginpaagi sa Iloilo Festivals Foundation Inc. (IFFI) nga nagadumala sang nagkalain-lain nga festivals.
Sa press conference, ginpanindugan ni Mayor Jerry Treñas nga may pagkinahanglan nga pataasan ang pondo tungod nagadaku ang festivals nga ginahiwat sa siyudad. Ang pinakadaku diri ang Dinagyang Festival, nga ginhiwat sa katapusan nga semana sang Enero.
Pagkatapos sang Dinagyang Festival, gintutokan sang IFFI ang Chinese New Year celebration nga nagtakop sang weekend.
Lakip pa sa mga ginabantayan nga festivals sa siyudad ang Paraw Regatta Festival sa Marso, ang Festival of Food sa Abril, ang Bike Festival sa Hulyo, kag ang Art Festival sa Oktubre.
