Taxi nasunog sa Diversion Bridge, Mandurriao
ILOILO CITY — Temporaryo nga nagpugok ang trapiko halin sa Diversion Road, Mandurriao sang nasunog ang Tin and Jun’s taxi sa Diversion Bridge kahapon, Pebrero 12.
Suno sa taxi driver nga si Joem, ginpapanaug niya ang duha niya ka pasahero sang nakita nga nag-aso ang makina.
Ginhingagaw niya buksan ang hood agud kuntani kuhaon ang battery pero nag-igrab na ang sulod tubtob nga nagkalayo kag naglapta sa bilog nga unit.
Sa obserbasyon sang news team, apat ka beses nga nabatian ang lupok sa nagakasunog nga taxi.
Ginpahayag sang driver nga gasolina ang gatong sang iya salakyan rason nga madasig ang pagdaku sang kalayo.
Gilayon naman nga nagresponder ang mga bombero sa lugar.
