Paraw Regatta Festival magatiglawas sa Iloilo City sa Aliwan Fiesta sugod sa masunod nga tuig
ILOILO CITY—Gin-anunsyo sang Iloilo Festivals Foundation, Inc., (IFFI) nga buslan sang Paraw Regatta Festival ang Dinagyang Festival nga magatiglawas sa Iloilo City sa Aliwan Fiesta sang Manila Broadcasting Company sugod sa masunod nga tuig.
Suno kay Ms. Joyce Clavecillas, executive director sang IFFI, tion na agud ipakilala sa pungsod ang Paraw Regatta Festival kag i-highlight ang madugay na nga sailing tradition sa Iloilo kag Guimaras.
Tungod sini, mangin tiglawas sang siyudad ang Sinamba sa Regatta.
Ginpabutyag ni Clavecillas nga matutok na lang sa international invitations ang Dinagyang Festival kag suportahan ang possible international competitions.
Dugang pa ni Clavecillas, walo ka tuig na nga nangin kampeon ang Dinagyang Festival sa Aliwan Fiesta —sang 2004, 2010, 2011, 2012, 2013, 2017, 2023, kag 2024, rason nga ihatag naman ang kahigayunan sa Paraw Regatta agud makilala sa bilog nga pungsod.
Pangunahan sang artistic team sang IFFI ang himuon nga mga preparasyon sa pagtiglawas sang Paraw Regatta Festival sa siyudad sa Aliwan Fiesta sugod sa masunod nga tuig.
Sang Enero, gin-anunsyo sang Manila Broadcasting Company (MBC) Media Group nga indi madayon ang Aliwan Fiesta subong nga tuig tungod sa limitado nga oras para sa preparasyon tungod sa Semana Santa kag 2025 midterm elections. — Aksyon Marvin Malificiar
