Iloilo City government naka-heightened alert tungod sa pagsaka sang temperatura kag heat index sa siyudad

Naka-hightened alert ang Iloilo City Government tungod sa pagsaka sang temperatura kag heat index sa siyudad.

Sa statement ni Mayor Jerry Treñas, preparado ang medical supplies kag iban pa nga assets sang City Government pananglitan maglala ang sitwasyon.

Ginapanghandaan man sang siyudad ang nagkalain-lain nga lihok agud nga malikawan ang mga balatian nga dala sang mainit nga tiyempo.

Sige-sige man ang monitoring sang City Government sa Regional Disaster Risk Reduction and Management Council (RDRRMC) 6, DOST-PAGASA kag Department of Health.

Ginmanduan ni Treñas ang Iloilo City Disaster Risk Reduction and Management Office kag operations center nga i-monitor ang sitwasyon kag maghatag sang regular updates sa publiko. — Aksyon Cedrick Anona