Motorsiklo nasagairan sang ambulansiya sa Zarraga
ILOILO — Naman-ol ang wala nga abaga sang driver sang motorsiklo sang nasagairan sang ambulansya sa Brgy. Poblacion Ilaya, Zarraga kaina sang aga.
Suno kay Police Staff Sergeant Ivan Christian Saludares, imbestigador sang Zarraga Municipal Police Station, pakadto sa direksyon sang Pototan ang ambulansya sang Leganes nga maresponder sa vehicular accident.
Paliko kuntani ang motorsiklo pakadto sa Brgy. Tuburan Sulbod sang wala natalupangdan ang ambulansya nga nagawang-wang.
Nag-aregluhanay ang driver sang motorsiklo kag ang driver sang ambulansya suno sa police. — University of Antique intern, Abegail Toledo
