Senior citizen dakup sa drug buy bust sa Mandurriao

Dakup ang 63-anyos nga lalaki sa drug buy bust operation sa Barangay Taft North, Mandurriao kahapon, Marso 28.

Suno kay Police Lieutenant Cosmeflor Marco, deputy chief sang Iloilo City Police Station 10, gin-monitor ang subject nga si alyas Totong, residente sang Cabanbanan, Oton tungod sa impormasyon nga nagabaligya siya sang illegal nga druga sa mga tricycle drivers kag construction workers sa lugar.

Dugang ni Marco, nagaserbe nga runner ang subject sang iya ginakuhaan sang supply sa La Paz nga wala niya ginbuyagyag.

Nakuha kay alyas Totong ang apat ka sachets sang suspected shabu nga ginabanta nagabug-at sang apat ka gramo kag may estimated value nga P27,000. — Aksyon Maria Kayla Tingzon