Lalaki nga wanted sa kaso nga murder nagpalupok sang pusil sa pulis nga maserbe sang warrant of arrest sa San Joaquin
ILOILO — Naaresto sang San Joaquin police ang 57-anyos nga lalaki sang ginserbihan sang warrant of arrest sa Brgy. Jawod, San Joaquin kahapon, Abril 12.
Ginkilala ang lalaki kay alyas Nonoy nga taga-Maasin, Iloilo kag wanted sa kaso nga murder.
Antes maaresto, may binaslanay pa sang lupok halin sa kapulisan kag sa mga ginpahayag miyembro sang Revolutionary Proletarian Army- Alex Boncayo Brigade (RPA-ABB) sa lugar.
Suno kay alyas Nonoy, naglagaw siya sa San Joaquin tungod fiesta kag nagkadto sa bulangan.
Nagdalagan si Nonoy sang nakita ang kapulisan nga nagapadulong tungod nahibaluan niya nga dakpon siya.
Ginpanginwala ni Nonoy nga nagpalupok siya sang pusil.
Na-recover ang duha ka M16 nga long rifle kag mga live ammunitions.
May kaso nga murder kag illegal possession of firearms si Nonoy. — Aksyon Paula Elambayo
