ILOILO CITY — Patay ang 24-anyos nga driver sang motorsiklo sang nakabunggo sa pader sa E. Lopez Street sakop sang Brgy. Our Lady of Fatima, Jaro kahapon sang kaagahon, Hulyo 13.
Ginkilala ang driver kay alyas Carl nga taga-Brgy. San Juan, Molo.
Suno kay Patrolman Kim John Pendon, traffic investigator sang Iloilo City Traffic Enforcement Unit, halin sa La Paz kag padulong sa Jaro Plaza ang driver antes natabo ang insidente.
Sa pagpangusisa sang police sa street sweeper sa lugar, madasig ang pagpadalagan sang driver sang motorsiklo gani naglapaw kag nakabunggo sa pader.
Tungod sa impact, nagtabog ang driver kag nakaagum sang patal nga pilas sa ulo.
Pasado las-3:42 kaina sang kaagahon napatay ang driver samtang ginabulong sa ospital suno sa police. — Aksyon Paula Elambayo
